На 4 мај во Кичево беше одржана дискусиона група со студенти од Правен факултет на Универзитетот Св. „Кирил и Методиј“ на тема: „Подобрување на постоечката законска легислатива за родова рамноправност, нејзино усогласување со ЕУ стандардите и развивање на соодветни алатки за ефективно спроведување во пракса.“  Настанот беше отворен од страна на асистентот на Правниот факултет Кичево м-р Светлана Велјановска која имаше поздравен збор при што укажа на важноста на родова еднаквост воопшто, но и во напорите за евро-атлантски интеграции.

Заклучоците и препораките кои прозилегоа од дискусијата се следните:

· Со оглед на тоа што учесниците беа студенти од Правен факултет важноста на овој настан е двојна. Дискусијата допринесе да се подигне нивото на освестување разбирање на, родовите прашања. Исто така, таа овозможи целната група, идни правници, подобро да ги претстават идните клиенти жени или поефикасно да го спроведат законот кога се во прашање родовите односи и еднаквоста помеѓу родовите како идни правници т.е. професионалци;

· Студентите беа заинтересирани за прашања од областа на родовите односи, но се покажа дека голем број од нив се запознаети со проблематиката повеќе од лично искуство отколку од структуриран пристап и учењето на факултет;

· Студентите до одредена мера ја познават законската регулатива, но им недостига вистинското разбирање за прашањето, а со тоа и соодветна примена на регулативата во пракса. Знаењето е теоретско и не е поврзано со примерите од пракса;

· Од горенаведеното се препорачува понатамошна едукација на оваа целна група, но и да се разгледа можноста за проширување и да се опфатат и дипломираните невработени правници (тие немаат можности за до-едукација).