Реализацијата на средбите со фокус групите се одвиваше во периодот од 03.11.2010 – 13.11.2010-та година во 8 рурални средини на територијата на Република Македонија. Во консултации со локалните организаторки и претставниците на Центарот за истражување и креирање политики (ЦРПМ) се утврдија точните термини за одржување на средбите. Истите беа фацилитирани од страна на претставничка од ЦРПМ.

Целта на средбите беше да се утврди дали е зголемено нивото на свесност на жените за проблемот со злоупотребата на нивниот глас за време на изборниот процес (семејно гласање, гласање во име на друг или појава на други видови на неправилности) како резултат на претходно спроведените едукации и средби на оваа тема. Компаративните согледувања ќе бидат искористени за креирање на следни активности во насока на надминување и елиминирање на оваа појава.

Преглед на одржаните фокус групи:

Вкупно на фокус групите беа присутни 69 жени.  

 

Семејното гласање и другите видови на неправилности за време на изборниот процес, сериозно го нарушуваат кредибилитетот на изборите, веродостојноста на добиените резултати и воопшто имаат негативно влијание врз демократските процеси во Република Македонија. Посебно загрижува фактот што жените се најчести жртви на ваквите појави, односно забележителна е појавата на злоупотреба на женските гласови за време на изборниот процес, особено во руралните средини.

За да се надминат овие проблеми беа преземени активности во насока на информирање на жените за изборниот процес и зајакнување на нивната свест за самостојно донесување на одлуки. Со други зборови, жените треба да се запознаат со сите аспекти на изборниот процес, начинот на гласање, можните неправилности во текот на гласањето и мерките кои треба да ги превземат за да ги заштитат своите одлуки од притисоци и злоупотреба. Сите овие аспекти беа тема на средбите на фокус групите. Се разговараше за нивните размислувања и ставови и имаа прилика да поставуваат конкретни прашања и дополнително да се информираат.

Заклучоци од средбите:

- да се интензивира едукацијата на жените пред одржување на избори и да се опфати и младата популација;

- жените се чувствуваат исплашено, збунето и незнаат како да постапат кога организирано се носат на гласање и добиваат инструкции за кого да гласаат/ потребно е повеќе да се информираат како да реагираат во такви случаи;

- жените не се задоволни од предложените кандидати и немаат многу избор за кого да го дадат својот глас.

Може да се констатира дека постои напредок во однос на почетната состојба, меѓутоа потребна е континуирана едукација особено во доменот на механизмите за заштита на правото на избор на жените, казнените мерки и надлежните субјекти каде што жените можат да се обратат за помош и поддршка