Главната цел на оваа конференција е да ги поттикнеме учесниците (претставници на локалните заедници, Комисиите за еднакви можности, локалните жени од руралните средини, невладини и меѓународни организации) да ги споделат своите искуства и ставови и да разменат добри пракси кои во иднина ќе придонесат за зајакнување на економската свест и социјалното вклучување на жените од руралните средини, како и практични решенија за подобрување на положбата на жената во традиционалното патријархално општество.

Оваа конференција е резултат на истоимениот проект поддржан од UN WOMEN кој ги мобилизираше жените од руралните подрачја да ги зајакнат сопствените капацитети за промовирање на позитивни цели и идеали за мир, толеранција, демократија, еднаквост, достоинство и човекови/женски права во заедниците на Република Македонија.

Фацилитаторки / презентерки на оваа конференција ќе бидат членки од ЖГИ Антико, како и претставничка од Министерството за труд и социјална политика кои имаат долгогодишно искуство и знаење од оваа област.