Консултативна средба за Нацрт – стратегијата за спречување на семејното гласање и гласање во име на друг 

 

 

 

На 29 ноември 2010 година во ЕУ Инфо Центарот во Скопје се одржа консултативна средба – јавна расправа на предлог Стратегијата за спречување на семејното гласање и гласање во име на друг. На средбата беа присутни сите релевантни претставници од владините институции, парламентот и граѓанското општество. Нивното присуство на оваа средба беше одраз на важноста на овој документ кој има за цел да реши еден важен проблем кој се јавува во континуитет во изборните процеси во Република Македонија. На средбата се разви конструктивна дискусија во однос на релевантноста на стратегијата, која беше оценета како многу добра и потребна. Учесниците дадоа и свои коментари од кои дел ќе бидат инкорпорирани во официјалниот документ. Конечната верзија на документот ќе биде презентирана на донаторска конференција која планираме да се одржи во средината на декември.

ЖГИ Антико  во партнерство со Центарот за истражување и креирање на политики и во соработка со Државната изборна комисија  догорочно и  активно делуваат на решавањето на проблемот на семејното гласање, кој ја загрозува регуларноста на изборниот процес и ги прекршува основните човекови права на една категорија на маргинализирани групи - особено  на жените од руралните средини. Изработената Нацрт - стратегија е резултат на реализираниот проект „Мојот глас - моја одлука“ во партнерсво со ЦРПМ, односно добиените информации и резултати  од теренската работа организирани и спроведена од страна на Антико  (16 – те Фокус групи, форумите/обуките, кампања и слично), а и информациите обезбедени од страна на ДИК и резултатите од претходните проекти реализирани од страна на ЖГИ Антико и ЦРПМ во оваа област.

 

Проектот врз чија база е изработена оваа Национална стратегија финансиски е поддржана од EU –EIDHR Програмата, додека медиумски партнер е AL- SAT M.