Во општина Могила се имплементираше втората локална акција "За живот без насилство" каде се спроведоа низа активности во насока на превенција и заштита од семејно насилство. Основната цел на оваа локална акција е освестување и зајакнување на жените од руралните средини за препознавање, справување и преземеање на иницијативи за проблемот на семејното насилство.

 

На двете организирани едукативни работилници учествуваа вкупно 40 жени, кои имаа можност да се запознаат со овој проблем, како да го препознаат и да добијат подетални информации за механизмите на заштита од страна на социјален работник и инспектори од МВР - подрачна единица Битола.

Организираната средбата со градоначалникот на општина Могила, советниците во општината, членовите на комисијата за еднакви можности, претставниците од МТСП - секторот за еднакви можности и ЖГИ Антико, овозможи презентирање на НАП на МТСП и севкупните активности кои ЖГИ Антико ги имплементираше во рамките на проекот „Преку едукација и зајакнување кон социјално вклучување и активно граѓанство“. Како најзначен сегмент од средбата би можеле да го издвоиме доставувањето на Манифестот до претставниците на локалната самоуправа. Овој апел на жените од руралните средини и барање за поддршка од локалната самоуправа на одредени прашања се покажа како одличен механизам за вклучување на дел од овие барања во акциските планови на општината.

Организираната трибина “Стоп! - за семејното насилство” предизвика големо внимание и присуствуваа вкупно 41 жена, додека настанот беше медиумски следен од страна на ТВ Тера. На трибината како говорници беа поканети социјален работник од СРЦ - Битола и инспектори од МВР - Битола со што присутните беа во можност да директно да им се обрарат и да дискутираат на прашања кои се во нивен интерес. Подготвените промотивни материјали - брошури во 800 примероци на македонски и турски јазик беа поделени на присутните и во останатите руралните средини во општина Mогила.