Како едно од најзначајните и приоритетни прашања на жените од руралните средини во општина Крушево се покажа дека е репродуктивното здравје на жената. Имајќи во предвид дека во општина Крушево нема ординации кои даваат специјалистички здравствени услуги, жените од руралните средини се принудени за своите потреби да се упатуваат до поголемите градови како Прилеп и Битола.  

Локалната акција во општина Крушево „Здравјето на жената - репродуктивното здравје“ се имплементираше со цел жените од руралните средини да се освестат и да се информираат во однос на заштитата на репродуктивното здравје.

Спроведено е истражување во однос на идентификување на проблемите и потребите на жените од руралните средини од аспект на репродуктивното здравје. Анкетирани беа вкупно 200 жени од селата Борино, Саждево, Белушино и Јакреново од каде произлезе опсежна анализа која беше изработена од страна на експерт.

Потоа следуваше организрање и спроведување на 4 едукативни работилници каде учествуваа вкупно 101 жена, на теми во однос на препознавање и соодветно лекување на болестите на репродуктивните органи. Во улога на едукатор беше ангажиран гинеколог, а работилниците освен предавањата допринесоа и за отварање на дискусија, поставување на прашања кои се од голем интерес на жените.

Како завршна активност која се реализраше во рамките на локалната акција беше организирање на трибина која овозможи презентирање на резултатите од анлизата, дискусија за превенција и заштита на репродуктивното здравје на жената како и давање јавност на севкупното делување во општината

Промотивните материјали кои беа печатени во 2000 примероци беа дистибиурани за време на трибината и во руралните средини на општина Крушево.