Во рамките на втората локална акција во општина Теарце насловена како  "Човековите права се и мои права" имаше за цел да се зајакне самодовербата, да се освестат и информираат жените од руралните средини за заштита на женските човекови права.

Жените од општина Тераце иницираа активности во локалната акција со што ќе се допринесе кон зајакнување на женското движење во општината. Импелентирани се вкупно 4 едукативни работилници на теми на женските човекови права, механизмите на заштита, проблемите на жените и улогата и значењето на образованието. Во тековните едукации беа вклучени 2 професори експерти во оваа област, а на предавањата учествуваа вкупно 123 жени од повеќе села во општината.

Организирана е средба со претставници од Локалната самоуправа каде присуствуваа претставници од ЖГИ Антико и МТСП - Секторот за еднакви можности.  На оваа средба беше доставен Манифест до локалната самоуправа каде се наведени основните потреби, интереси и барања на жените од руралните средини во општина Теарце. Потоа следеше подготовка на трибина со цел отварање на „Женски клуб“ кој ќе го поддржи и локалната самоуправа со тоа што ќе овозможат просторија каде жените во определено време ќе се среќаваат. На трибината присуствуваа вкупно 63 жени со што се потврди факот дека интересот за учество на ваков вид настани кај жените од руралните средини во општината е огромен.  Во текот на трибината беа дистрибуирани промотивни материјали кои беа испечатени на два јазици (македонски и албански).

Севкупните активности имплементирани во текот на локалнта акција беа медиумски покриени од ТВ Кисс, ТВ Арт, ТВ Коха, печатени медиуми како Факти, Коха и Лајм и на интернет страни на Коха, Лајм  и РТВ Кисс.