Во општина Теарце жените од руралните средини спроведоа локална акција насловена „Чувај го здравјето - чувај ја иднината“ која имаше за цел да ги освести и информира жените од руралните средини и севкупното население за заштитата на репродуктивното здравје и потребата од редовни гинеколошки прегледи.

За да се постигне основната цел и да се информира што поголем број на жени и севкупната јавност се пристапи кон подготовка и емитување на 4 ТВ емисии во времетраење од 15 - 20 минути. Сите четири емисии прават една целина односно се дискутира на неколку значајни тема како: последиците од малигни заболувања на дојката, ракот на грлото на матката, законските норми за свој матичен гинеколошки лекар, планирање на семејството и употреба на контрацептивни средства. Соговорници во ТВ емисиите беа матичен лекар, гинеколог специјалист, радиолог, правник, психолог, градоначалникот на Општина Тераце и претставници од НВО секторот.

Емисиите беа медиуски презентирани на ТВ Коха во промотивно и репризно издание. Воедно беа печатени и промотивни материјали со јасни пораки до целната група за значењето од превенција и заштита на репродуктивното здравје. Дистрибуирани се вкупно 600 промотивни материјали на македонски и албански јазик. Како завршна активност на локалната акција беше организирана трибина каде се презентираа ТВ емисиите и се поделија промотивните материјали.