Втората локална акција во општина Липково "И ние можеме" имаше за цел да ги освести, информира и едуцира жените од руралните средини во однос на можностите за самовработување преку користење на личните капацитети и ресурси со кои располагаат. Оваа локална акција допринесе кон активно вклучување на вкупно 145 жени од Липково на голем број различни активности.

Во севкупниот процес на подготовка и имплентација на локалната акција се вклучија жени активистки кои допринесоа оваа локална акција успешно да се реализира. Спроведено е едно истражување каде анкетирани се 100 жени во селата Липково, Слупчане, Опае, Ваксинце и Рунице. Истражувањето беше насочено кон согледување на нивните капацитети, потребите и можностите на жените од руралните средини за нивно активно вклучување во заедницата. Анализата ја подготви експерт и беше публикувана во 160 брошури на македонски и албански јазик.

Во рамките на локалната акција беа организрани 5 едукативни работилници каде земаа учество вкупно 80 жени кои се стекнаа со основно знаење во однос на начините за подготовка на бизнис планови. Жените имаа можност за прв пат да стекнат ваков вид на искуство кое во иднина можат да го развијат и искористат како алатка за основање на сопствен бизнис. На успешно организираната трибина присуствуваа 65 жени каде учесничките на работилниците подготвените два бизнис планови ги презентираа. Сите овие активности покажаа дека интересот за вклучување на жената од руралните средини во општестевните текови е огромен. Настанот медиуски беше покриен за време на одржувањето на трибината од страна на локалната ТВ Феста која два пати во текот на денот го промовираше настанот.