Локалнта акција "Преку едукација до поквалитетен живот" во општина Липково се организираше со цел да ги освести и информира жените од руралните средини за здравствената заштита, раното откривање и спречување на болести на репродуктивните органи. Жените од руралните средини во соработка со локалните тимови на ЖГИ Антико имплементираа низа активности со што се покажа дека жените имаат капацитети и желба за унапредување на нивната положба.

Организирани беа 3 едукативни работилници каде како едукатори беа поканети експерти  - општ доктор и двајца гинеколози. На работилниците вкупно учествуваа 65 жени од руралните средини во општина Липково. Потоа следуваше подготовка и спроведување на трибина каде жените од руралните средини имаа можост да слушнат совети од докторите и подготвената анализа во однос на идентификуваните потреби и проблеми во однос на репродуктивното здравје на жената.

Локалната акција побуди голем интерес и кај медиумите така што ТВ Феста го покани локалниот тим на ЖГИ Антико да гостува во ТВ-емисија со цел да ги објави сите имплементирани активнотите од Локалната акција во општината.